كم نوع فن طلع على الساحه ؟

الرسم ، التصوير ، الكولاج ، التصميم .. وكل فنان يتخذ واحد من هالفنون يبدع فمجاله أو يكون مقلد للمبدعين

فيه نقطتين مهمات فبالي أكتبها فهالتدوينه ..

نقطتين اكتشفت انها أوهام احنا عيشناها نفسنا .. أو myths

• ان الابداع هو الأصاله ويجي من “التفكير خارج الصندوق”
• اني اذا فشلت في الرسسم أو التصوير أو الكولجه أو التصميم .. فأنا مو فنان !

أين يقع الابداع ؟

الحقيقه ان الابداع نهايته اننا نطلع بفكره ابداعيه وخارجه عن الاعتياديه .. لكنه يبدأ “بالتقليد” ، فكرة الابداع تشبه فكرة الرسم أيام الطفوله ، لما كنا صغار كنا نرسم رسمات تعلمنا اياها الأستاذه .. أو نطلطل في رسمات أصحابنا ونعرف كيف نرسم .. أو أهلنا ياخذون القلم ويرسمون لنا على الكراسه .. والا كيف كلنا واحنا صغار تعلمنا نرسم الشخصيه الخطوط .. دائره .. خط الجسم وأربع خطوط قصار لليدين والرجلين ..
توني بوزان يقول ان التقليد هو بداية الفن .. وانه الشيء اللي يعيد الفنان بداخلك . (*) .. فكر بالعياره مجددا وحاول تطبيقها !

الفن . .

كنت أظن ان الفنون تعتمد اما على مهارة يدك في الرسم أو في الأعمال اليدويه ، أو على أفكارك الابداعيه وفنك في التقاط الصور أو تركيب الأشياء والرسمات عشان تطلع لك تصميم ..بس العالم الفني طلع أوسع من كذا ! ..
اللوحات الزيتيه والفن التشكيلي فن قدير ، لكن الآن الناس تبحث عن البساطه والوضوح والأشياء الجديده ..وكونك ما قدرت تصبح فنان تشكيلي أو رسام .. لا يعني ان ابداعك غير موجود !لكن المهاره غير متوفره ..
أي شيء جميل هو نوع من أنواع الفن ، ممكن شي مو جميل جدا ، لكنه فكره ابداعيه للغايه يكون فن جميل وشيء ينضاف للعالم .. ممكن يستفيد منه مسوّق ، مدير حمله اعلانيه ، اعلامي .. وهكذا وانت تستفيد اما ماديا والا معنويا .. انك تركت أثرك على العالم ..

الصوره تتحدث . .

كريس دوروز :

أول مثال رح أذكره .. الفنان كريس دوروز -مو متأكده من اسمه الأخير- فنان يستعمل نقاط الصبغ أو ألوان الاكليريك وخيوط ، عشان يخلق رسمات بأبعاد متعدده..
هنا صور لأعماله :

لازم تشوفون الفيديو عشان تفهمون شكل العمل الفني .. هو فن حي جدا جدا .. وغير تقليدي بالمره : ) شاهدوا الفيدو هنا : http://www.chrisdorosz.com/Pages/index.html
ولو قرأتوا الكلام اللي كتبه عن نفسه رح تعرفون قد ايش هو واثق من نفسه ورافع فنه فوق خاصة انو هو اللي بدأ فيه على ما أعتقد ..

التايبوقرافي :

هو نوع من الفن المتعارف عليه ، تبتكر طرق وخامات غريبه للتعبير عن الأحرف .. ربما مرت علينا كثير .. بس ما عرفنا انها فن بحاله

للمزيد : http://koikoikoi.com/2009/10/objects-typography-by-vladimir-koncar/

البزنس كاردز :

أكيد وصلت لكم ايميلات عن البزنس كاردز الغريبه ،

هي صوره عمليه لفكرة “الشيء الجميل اللي نعتبره فن”، والأفكار الابداعيه

للمزيد  http://creattica.com/business-cards/latest-designs

Jin Young :

مره قعدتوا تطلعون بلاستيك فاضي أو داخله ماي وحسيتوا انه شي جميل ؟

جن يونق أبدع وصار يعمل تماثيل شفافه ..

سياره وشوية صبغ وفنانين:

تتذكرون التايبوفوقراف اللي قلت لكم عنه ؟
تفرجوا على هالفيديو :

http://vimeo.com/5233789

أخذوا سياره واثنين خبيرين في التايبوقراف وخبير في سباق السيارات ..وحاولوا يعملون خطوط بالسياره ..

ماركر ومستر سليب :

هذا الفنان “مستر سلييب”، يستخدم فقط الماركر والأوراق .. رسمه مو خنفشاري جدا لكنه قادر يخلينا نحس بالخنفشاريه

للمزيد : http://www.flickr.com/photos/mister_sleeep/sets/72157603288530226/

فيه أكثر من كذا ، لكن ما فيه مجال لذكر كل شي موجود .. لأنه فعلا كثيــر جدا !
فيه ناس متخصصه بالفيديوهات وتركيبها ، تصميم المواقع الآن صيحه ، فيه ناس متخصصه تبتكر أفكار للتي شيرتات والجزم والاكسسوارات ..
فيه مجالات جديده ومتعدده ..ممكن تبتكر مجال وممكن تقلد مجال وتبدع فيه بعد فتره ..
ابحث عن فنّك .. وتذكر جيدا :

المهم الاتقان .. الاتقان .. الاتقان !

تأمّل . .

فكر بالأشياء اللي تسويها كل يوم أو تحب تعملها ، ممكن تطلع منها مليون ألف شيء فنان .. طيب كيف ممكن تلقى فكرتك ؟
انك تتأمل في الأشياء بطريقه اعتياديه جدا ، لكن ايجابيه .. وهالشي مو سهل ومحتاج قوه عظيمه !
فنظري أشوف ان الايمان بالله أكثر شي ممكن يساعدك تحس انه شيء داخل فشيء؟
لا فكر أكثر ! لما تكون مؤمن جدا .. وحاس بالرضا عن حياتك ، لدرجة انك تحب عيوبك الخاصه وعيوب الناس اللي حولك .. وتملأ قلبك بحب الله ورسوله ثم بحب الناس..
رح ترزق شيئين .. البصيره ، والايجابيه وبكذا توصل الى الابداع
ويا رب أيامكم كلها ابداع وفن ..
تواصلوا معي بفنكم ..

ريم

هذه التدوينة ادرجت بتاريخ 17 أكتوبر 2009 في الساعة 3:45 ص ضمن تصنيف تصنيف لحاله !. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.