لما تحس وتؤمن ان الشمس كل يوم تطلع عشانك..وان السما كل يوم تحميك من الأجرام اللي تطيح..
لما تحس ان كل نجمه بالسما تموت وتعيش عشان تزين ليلك ..
لما تعرف ان الأرض تدور عشان تأمن لك ليل ونهار ..
لما تعرف انها تدور حول الشمس عشان تعيشك الصيف والشتا ..
لما تعرف ان الشمس بعيده عنك بالقدر الكافي وقريبه منك بالقدر الكافي .. عشان تعيش ..
لما تشوف ان خلق الله كله انخلق بطريقه تحميك أو تعطيك الدفعه اليوميه للحياه.. الهوا الطلق .. القمر اللي ياخذ من الشمس نورها .. الكهربا اللي تتكون بطريقه ربي سنها بالكون ..
الشجر اللي مرتفع ارتفاع مناسب والورد اللي منخفض انخفاض مناسب..

لما تشوف التوازن بالكون اللي انخلق كله عشان يتناسب معك..وانخلقت عشان تتناسب معه..
لما كل يوم كل يوم نعيشه..لما تعيش هالشعور رح تبتسم كل يوم ..لأنك مو وحيد عايش ..لأن كون كامل قاعد يمشي بطريقه تناسبك ..
رح ترفع يدك للسما تقول للي عطاك هذا كله .. شكرا..
حتى لو هموم الدنيا كلها فوق راسك ~

هذه التدوينة ادرجت بتاريخ 10 ديسمبر 2009 في الساعة 12:19 ص ضمن تصنيف تصنيف لحاله !. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.